Ураза бәйрәме белән! Аллаһы Тәгалә барчабызга да ихлас шөкрана кылучылардан булырга, күңелләребездә булган барлык изге ниятләребезгә, максатларыбызга ирешергә, тоткан уразаларыбызның бәракәтен күрергә, бу дөньяда һәм ахират тормышында бәхетле булырга насыйп итсә иде.
Ураза гаете бәйрәме белән ихластан тәбрик итәм. Синең кебек иманлы, сабыр, ныклы рухлы дин кардәшем булганга мин чын күңелемнән сөенәм. Һәм киләчәк тә дә шул дөреслек юлында, Аллаһ кушкан намаз юлында булырсың һәм үзеңә башкаларны да әйдәрсең дигән изге теләктә калам. Аллаһ синең кылган догаларыңны кабул кылып, фәрештәләр сиңа уңган юллар, мул табыннар һәм кая гына барма гел намуслы иманлы кешеләр генә очратсын. Тәнең, җаның һәрчак сәламәт булып һәр ел шулай уразалар тотып, гаетен, корбанын күп еллар бәйрәм итәргә насыйп булсын.
Ураза бәйрәме белән котлыйбыз! Тормышыгызда һәрвакыт бәйрәм, шатлык һәм муллык булсын. Ий мөэминнәр, Аллаһ сезгә җиңеллекне тели һәм авырлыкны теләми.
Ураза гаете белән тәбрикләү сүзләре
Гает бәйрәмнәре белән! Йә Раббым Аллаһ! Һәрберебезгә дә бәхетле киләчәк, матур тормыш насыйп итсәң иде…
Туасы таңнарыбыз якты, тыныч булса иде… Кояш яктысын күреп, кошлар сайравын ишетеп, үз аягыбызда йөрсәк иде… Үз кулларыбыз белән якыннарыбызның аркасыннан сөеп, назлы җил искәнен тойсак иде… Чәчкә исләрен сизеп… тормыш матурлыгына сөенеп яшәсәк иде! И Бер Аллаһым! Көдрәтеңнән… Шәфкатеңнән… Сәгадәтеңнән… Мәрхәмәтеңнән…. Рәхмәтеңнән аерма! Чиста күңелебездән укыган догаларыбызны, теләкләребезне, тоткан уразаларыбызны кабул кыл! Әмин!
Ураза бәйрәме белән котлау
Ай буе ураза тоту кебек фарыз гамәлне зур ихласлык белән үтәгән барлык хөрмәтле мөэмин-мөселман кардәшләрем! Әссәсләмүгәләйкүм вә рахмәтуллаһи вә бәракәтух! Ураза бәйрәме белән котлаулар кабул итеп алыгыз.
Аллаһы Тәгалә Рамазан аенда тоткан уразаларыбызны кабуллардан кылса иде. Тоткан ураза гыйбадәтләребез хакына, укылган тәравих намазларыбыз, кылган догаларыбыз, биргән сәдакаларыбыз һәм теләгән изге теләкләребез хакына ил-көннәребез тыныч, күгебез аяз, табыннарыбыз мулдан булса иде. Бөек Раббыбыз күңелләребезне мәңгелек иман нуры белән нурландырсын иде! Адашуда булганнар һәм начар юлга эләккәннәр, һушына килеп, ошбу дөньяга акыл күзе белән баксыннар өчен, рәхим-шәфкатьләреңне, ярдәмнәреңне бирсәң иде!
Гаиләләребезгә, җаннарыбызга тынычлык, тәннәребезгә сәламәтлек насыйп итеп ике дөнья бәхетенә ирештереп, барчабызга да хәерле һәм бәрәкатле тормышлар насыйп итсә иде.
Шушы бөек булган бәйрәм көннәребездә Ураза гаетендә ихлас күңелдән изге гамәл-гыйбадәтләр кылып, Аллаһы Тәгаләнең иксез-чиксез рәхмәтләренә һәрбарчабызга да ирешергә насыйп булсын!
Мөбәрәк булсын бүгенге изге, олуг булган бәйрәмебез Ураза бәйрәме! Әмиин!
Ураза гаете белән шигырьләр
Көтеп алган изге аебыз да
Саубуллашып «китә» безләрдән.
Әллә ничек моңсу булып куя,
«Хуш, Рамазан» дигән сүзләрдән.
Кайчан гына тәүге сәхәр иде,
Бер тулы ай үтеп киткән бит.
Бу гомерләр аккан сулар диләр,
Гаетләр дә килеп җиткән бит.
Исән булсак, тагын бер елга дип,
Аерылабыз синнән, Рамазан.
Ераклаша гына барабыз күк,
Яңгыраган саен һәр азан.
Һәр рамазан ае бәйрәм кебек,
Уйласаң да исең китәрлек.
Изге гамәл үтәп калыйк дигән,
Киң күңелле җаннар җитәрлек.
Быелгысы үзгә булып килде,
Бушап калган урам чатлары.
Кайда калган ирләр җыелышып,
Тәравихка менгән чаклары?!
Мәчетләр дә моңсу тора быел,
Җомгаларга барган бик сирәк.
Бар җиһанны ямьгә төрер иде…
Гает намазлары бик кирәк.
Нинди генә авыр елларда да,
Үткәргән бит халкым Гаетне.
Быел инде Гает булмый диләр.
Кемнәр икән монда гаепле?!…
Андыйлар юк, бу бер сынау гына,
Димәк, шулай язган Ходаем.
Саулыклардан гына аермасын,
Исән булсак, бирер уңаен.
Өебез бар, Гает намазларын
Укып була җылы өйләрдә,
Мөмкинлекләр шактый муллаларга
Халкым өчен вәгазь сөйләргә.
Зиратларга бәлкем барып булмас,
Дога кылыйк җирдән киткәнгә.
Сабыр гына Ходаемнан сорыйк,
Ул бит бирә өмет иткәнгә.
Хуш, Рамазан, бездән китәсең бит,
Мөмкин булса тагын калырга…
Ашыгырлар иде яхшылыклар,
Изге гамәлләрне кылырга…
Хуш, Рамазан, әле килгән идең,
Куллар болгап китеп барасың.
Гомер узган диеп билгелиләр,
Гает белән гает арасын.
Кабул булсын тоткан уразалар,
Аерылмасак иде иманнан.
Ихлас теләк кабул була диләр,
Кабул итче Үзең, и Аллам.
(Гөлчәчәк Хафизуллина)
Ураза гаете бэйрэме белэн котлау сузлэре
Изге Бәйрәм — Ураза Гаете мөбарәк булсын, дусларым,туганнарым!
Аллаһы Тәгалә Рамадан аенда тоткан уразаларыбызны кабуллардан кылып, күңелләребезне иман нуры белән баетсын, барчабызга да хәерле, имин тормышлар насыйп итсен, җаныбызга нур, күңелгә яктылык, саулык, йортка иминлек, ризыкка бәрәкәт бирсен! Барчабызга да сәламәтлек, бәхет һәм муллык насыйп итсен! Кылган догаларыбыз, теләгән теләкләребез кабул булып, дөньяларыбыз тыныч, табыннарыбыз мул, якын кешеләребез һәрчак янда булсын!
Көннәребез аяз, дөньяларыбыз тыныч булсын! Әмин!
Ураза байрам поздравления на татарском
Гает иртәләре мөбәрак булсын! Аллаһы Тәгалә исәнлек- саулык, җан тынычлыгы белән мул тормышта, якыннарыбызның кадер- хөрмәтен тоеп, озын гомер кичерергә насыйп итсен. Йөзебездән иман нуры, телебездән матур сүзләр, йөрәгебездән җылылык һәрвакыт сирпелеп торсын! Гел рәхәттә, мәхәббәттә, сөенеч- куаныч күреп, янәшәбездәгеләрнең игелеген тоеп, яхшылыкларына сөенеп яшәргә язсын! Күңел түрендә туган теләкләребез кабуллардан булып, фәрештәләрнең «Амин!» дигән вакытына туры килсен.
