Кыз сорау тәртибе

Элегрәк кызның янына иң алдан махсус димче җибәргәннәр, анын ата-анасынын һәм узенең ризалыгын да кубрәк шунын аша белү йоласы яшәп килгән булса, хәзерге вакытта бу гореф шактый үзгәрде. Ник дигәндә, кызның өйләнергә җыенган егеткә чыгарга риза булуы яки булмавы алдан ук инде билгеле була, шуңа курэ дә аның ягын яучы ярдәмендә яулауның да, димләп ризалаштырунын да кирәге юк. Әмма кыз сорарга бару егет ягы өчен, барыбер кирәкле матур гадәт. Әлбәттә, кәләше кияүгә чыгарга риза булган тәкъдирдә дә. Бу асылда баласын кадерләп үстергән ата-анага чын егетләрчә хөрмәт күрсәтү, аларның да ризалыгын һәм алдан ук фатыйхаларын алу дигән сүз.

Хәзерге вакытта кыз сорарга күбрәк егетнең әти-әнисе, я булмаса якын агасы яки берничә туганы бара. Һәм еш кына аларга егет тә иярә. Шулай ук кәләшенең кулын сорарга егет кешенең үзе генә бару очраклары да күп бүген. Баручылар (асылда алар, өлешчә булса да, кода вазыйфасын башкаралар) үзләре белән элеккечә ипи-тоз алып кына түгел, бал, май, чәкчәк яки бавырсак кебек күчтәнәчләр белән баралар.

Хәл ителәсе мәсьәләне уртага салып сөйләшкәч һәм ризалык алынгач, шушы ук очрашу вакытында еш кына кайчанрак никах укыту һәм кайда, ни рәвешле туй үздыру, туй чыгымнарын бергәләп күтәрешү турында да сүз кузгатыла. Әгәр туй җирле гадәт буенча ике якта да уздырылса, чыгымнарны бүлешү турында сөйләшү булмый. Әмма күп мәсьәләләр җентекләбрәк бераз соңрак, туйга әзерлек вакытында ачыкланып бетә.